السلام على من إتبع الهدى
كيف حالكم
هل أنتم بخير
لقد أحضرت لكم ذلك الموضوع الذي سيجعلكم سعداء جدا (أعذروني والله توني مسكر السماعه من أستاذ النحو أقوله أجل إختباري وتأثرت باللغه المكسيكيه حقته)
اليوم يوم جيت من المدرسه لقيت نفسي مافيني نوم (بحكم أني نايم من الحصه الرابعه إلى السابعه)طار النوم
قلت لازم تدور شغل هالضهريه فتحت النت ودخلت للمنتدى وشفت نتيجتي في المدرب الأفظل (لعبه في النت ) لقيت الشباب مهزومين - أنسدت نفسي وطفيته
رحت للماما وقلت مافيه شي يوكل لين يجي الغداء (يتغدون العصر) قالت مافيه إلا بسكوت شاهي
قالت رح جب لي سميد من البقاله وأصلح لك به حلى قلت يالله سميد سميد
رحت وجبته وجيت حطته في تاوه مع جوز هند وجلست تقلب فيه أذن العصر طفت النار وقالت بأصلي وبجي لاتلمس شي قلت لها تم أبشري ما ألمس حاجه يوم راحت جاني الشيطان وقالي :منال العالم أحسن منك قلت له :لا
قال أجل ورنا شطارتك ياحلو قلت بأسم الله شبيت النار على التاوه وجلست أقلب فيه لين صار لونه بني رحت الثلاجه أشرب ماء وأشم ريحة حراق ألتفت للفرن إلا التاوه محترقه يالله وش بيخلصني من أمي قلت خلني أطلع قبل لا تجي جيت بطلع وإذا بها تنتظرني عند الباب وفي يدها ملاس
وكان عقابها جدا خطير بس حرمتني من الغداء وأنا الأن أتضمر جوعا
2010-03-11, 3:04 pm
